श्याम घिमिरे,
कार्तिक २२ अर्घाखाँची –

त्रिवेणी बचत तथा ऋण सहकारी संस्था लिमिटेड सन्धिखर्क २, को १४ औं बार्षिक साधारण सभा सनिवार सन्धिखर्कमा सम्पन्न भएको छ । साधारण सभाको संस्थाका अध्यक्ष एवं पुर्व अध्यक्षहरुले संयुक्त रुपमा पानसमा दिप प्रज्ज्वलनगरी उद्घाटन गर्नुभएको हो । कार्यक्रममा मनतब्य राख्दै अध्यक्ष कमल प्रसाद घिमिरेले सहकारीहरुले आफ्नो गुणस्तरलाई पहिलो प्राथमिकता दिएको बताउनुभयो ।

घिमिरेले पछिल्लो समय केहि सहकारीहरुका कारण सहकारीलाइ हेर्ने दृष्ट्रीकोण बदलीएको भन्दै त्रिबेणीले शेयर सदस्यहरुको लगानीको सुरक्षा गर्नेमा सबैलाइ ढुक्क हुन आग्रह गर्नुभयो । सुशासनयुक्त सहकारी, कुसल नेतृत्व र असल व्यवस्थापनकै कारण त्रिवेणी सहकारी जिल्लामै नमुना सहकारीको रुपमा स्थापित भएको भन्दै घिमिरेले यो कार्यलाइ निरन्तरता दिन सबैको सहयोगको आबश्यकता पर्नेमा जोड समेत दिनुभयो ।

सञ्चालक समितिको तर्फबाट अध्यक्ष कमल प्रसाद घिमिरे, सचिव नारायण प्रसाद भुसाल,कोषाध्यक्ष शिव बेल्वासे, लेखा सुपरिवेक्षण समितिका संयोजक रामलाल भुसाल र व्यवस्थापक तुल्सीराम खनालले छुट्टा–छुट्टै प्रगति प्रतिवेदन प्रस्तुत गर्नुभएको कार्यक्रममा उपस्थित शेयर सदस्यहरुसंग प्रतिवेदनमाथी दोहोरो छलफल पनि भएको थियो ।

संस्थाका अध्यक्ष कमलप्रसाद घिमिरेको अध्यक्षता, उपाध्यक्ष टोपलाल खनालको स्वागत मनतब्य र सचिब नारायण प्रसाद भुसालको सञ्चालनमा सम्पन्न कार्यक्रममा ७० बर्ष माथिका ६ जना जेष्ठ नागरीकहरु, शेयर सदस्यहरुका छोराछोरीको तर्फबाट एसइइ परिक्षा २०८१ मा उत्कृष्ट नतिजा हासिल गर्ने चारजना छात्रछात्राहरु, असल कारोवारी,पहिलो मालीक , उत्कृष्ट कर्मचारी सम्मान सहित पत्रकारीताको क्षेत्रबाट संस्थालाई सहयोगगर्ने अर्घाखाँची डटकममा कार्यरत पत्रकार केशव पन्थीलाई नगद सहित प्रमाणपत्रले सम्मान गरेको हो ।

कार्यक्रममा सहकारीका शेयर सदस्य स्वः हरीकला घिमिरेको परिवारलाइ सन नेपाल लाइफ इन्स्योरेन्स कंम्पनीका प्रतिनिधि मिना बस्याल भट्टराइले सहकारी म्यादी बिमा बापतको रकम हस्तान्तरण समेत गर्नु भएको थियो ।

२०६८ सालमा स्थापित संस्थामा हाल १२ सय २ जना शेयर सदस्य र २ सय ६७ जना बाल सदस्यहरु आबद्ध रहेका छन । २१ करोड भन्दा बढीको कुल पँुजी रहेको सहकारीमा ११ करोड ७७ लाखभन्दा माथी ऋण लगानी , १३ करोड ८७ लाख बचत निक्षेप र ३ करोड ७८ लाख शेयर पँुजि रहेको सहकारीका व्यवस्थापक तुल्सी खनालले जानकारी दिनुभयोे । १ करोड ९७ लाख रुपैया जगेडा कोष रहेको संस्थाले ६.३८ प्रतिशत लाभांस रकम बितरण गर्न प्रस्ताव गरेको व्यवस्थापक खनालले बताउनुभयो । सहकारीले बिभिन्न सामाजीक कार्य संगै सचेतनामुलक गतिबिधिहरु समेत सञ्चालन गर्दे आईरहेको छ ।